وەزارەتی گواستنەوە و گەیاندنی هەرێمی کوردستان ڕاگەیاندراوێکی بڵاو کردەوە

لە ڕاگەیاندراوێکدا وەزارەتی گواستنەوە و گەیاندنی هەرێمی کوردستان ئاشکرای دەکات ماوەی راگرتنی گەشتە ئاسمانییەکان لە عێراق و هەرێمی کوردستان تاوەکو رۆژی 01-07-2020 درێژکرایەوە

دەقی ڕاگەیاندراوەکە

عێراق- ماوەی راگرتنی گەشتەکانی ئاسمانی درێژکرایەوە

دەسەڵاتی فڕۆکەوانی مەدەنی عێراق، بە پشتبەستن بە رێنماییەکانی لیژنەی باڵای سەلامەتی و تەندروستی نیشتیمانی عێراقی، بڕیاریدا ماوەی راگرتنی گەشتەکانی ئاسمانی هەتا رۆژی ۱-۷-۲۰۲۰ درێژبکاتەوە.

بڕیارەکە گەشتەکانی ناوخۆیی و دەرەکی عێراق و هەرێمی کوردستان دەگرێتەوە.

لە بڕیارەکەدا هەڵاواردن کراوەو رێگا بە گەشتی فڕۆکەکانی کارگۆ و رێکخراوەکانی فریاگوزاری و تیمەکانی تەندروستی و گەڕاندنەوەی هاووڵاتیانی عێراقی لە دەرەوە دەدرێت.

حکومەتی هەرێمی کوردستان

وەزارەتی گواستنەوە و گەیاندن.

یەکشەممە ۲۱-٦-۲۰۲۰