سێ تووشبووی دیکەی کۆرۆنا لە دهۆك چاکبوونەوە

بەڕێوەبەرایەتیی گشتیی تەندروستیی دهۆك رایگەیاند، سێ تووشبووی دیکەی ڤایرۆسی کۆرۆنا چاکبوونەتەوە و ئێستا تەنیا 27 تووشبووی ڤایرۆسەکە لە سنووری پارێزگاکە هەن.

ئێستا کۆی گشتیی ئەوانەی لە سنووری پارێزگای دهۆك لە کۆرۆنا چاکبوونەتەوە گەیشتووەتە 118 کەس و تەنیا 27 تووشبووی کۆرۆنا لە نەخۆشخانەکاندا ماون. تائێستاش لە دهۆك 145 تووشبووی کۆرۆنا تۆمارکراون، هیچ تووشبوویەکی کۆرۆناش گیانی لەدەستنەداوە.

بەپێی راگەیێندراوی وەزارەتی تەندروستیی حکومەتی هەرێمی کوردستان، تائێستا لە هەرێمی کوردستان سێ هەزار و 539 تووشبووی کۆرۆنا تۆمارکراون، لەو ژمارەیەش هەزار و 358 تووشبوو چاکبوونەتەوە و 98 تووشبووش گیانیان لەدەستداوە.