سەرۆکی حکومەتی هەرێمی کوردستان سەرپەرشتی کۆبوونەوەیەکی تایبەت بە دانوستان لەگەڵ حکومەتی فیدراڵی دەکات
![](https://xwakurk.com/wp-content/uploads/2020/06/webste-qalb-wena-55.jpg)
ئەمڕۆ مەسرور بارزانی سەرۆکی حکومەتی هەرێمی کوردستان لە رێگەی ڤیدیۆ کۆنفرانسەوە، سەرپەرشتی کۆبوونەوەیەکی تایبەت بە دانوستان لە گەڵ حکومەتی فیدراڵی کرد کەقوباد تاڵەبانی جێگری سەرۆکی حکومەت و ئەندامانی شاندی دانوستان بەشداربوون.
لەم کۆنفرانسە ڤیدیۆییەدا ، دەرئەنجامی دانوستان و چارەسەرکردنی کێشە هەڵپەسێردراوەکان لە گەڵ حکومەتی فیدراڵی لە سەر بنەمای دەستوور گفتوگۆی لەسەر کرا بە ئامانجی گەیشتن بە ئەنجام و ڕێککەوتن بۆ دابینکردنی ماف و شایستە دەستوورییەکانی هەرێمی کوردستان لە لایەن حکومەتی ناوەندییەوە
مەسرور بارزانی سەرۆکی حکومەتی هەرێمی کوردستان لە کۆبوونەوەکەدا ئامادەیی حکومەتی هەرێمی کوردستانی دەربڕیوە بۆ بەردەوامی دانووستانەکان لە پێناو چارەسەری کێشە دەستوورییەکان و هاوکات ئاماژەی بەوە کردووە ڕێکەوتنی نێوانیان لە بەرژەوەندی گشتی هەموو هاوولاتیانی عێراقە و دەشتوانێت کاریگەری لە سەر سەقامگیری ناوچەیی هەبێت .
هاوکات لە کۆبوونەوەکەدا بڕیاردراسبەینێ سێشەممە شاندی باڵای هەرێمی کوردستان بە سەرۆکایەتی قوباد تاڵەبانی سەردانی بەغدا بکات .