كاندیدی كابینەی ترەمپ بۆ رێكخراوی سی ئای ئەی دەلێت رژێمی ئێران مەترسیە بەسەر ئاسایشی جیهان
![](https://xwakurk.com/wp-content/uploads/2017/01/3251455543.jpg)
خواكوڕك
كەناڵی عەرەبیە بڵاوی كردۆتەوە كە مایك پۆمپیۆ كاندیدی سەرۆكی رێكخراوی سی ئای ئەی ئەمریكی لەكاتی گفتوگۆ لەگەڵ ئەنجوومەنی پیران، بۆچوونی خۆی لەمەڕ ئێران دەخاتەروو و دەلێت ئێران لەبارەی رێكەوتنەكەی ئەتۆمی فێل و خۆ دزینەوە دەكات، رەخنەی تووندیش لە رێكەوتنی ئەتۆمی نێوان ئێران و وڵاتەكەی دەگرێت كە بە (5+1) ناسراوە.
لەمیانی بەرێوەچوونی جێگیر كردنی سەرۆكی و جێگری سەرۆكی پۆستەكان لە كابینەی نوێی ئەمریكا دا لە ئەنجوومەنی پیرانی ئەمریكا، پۆمپیۆ ئاماژە دەدات بە هەرەشەكانی سەر ئاسایشی جیهان و دەلێت ئەو خاڵانەی لە رێكەوتنەكەدا لەسەر ئەتۆمی ئێران هەیە، خاڵی باش و خراپی تێدایەو بەڵام ئەمانە بەس نین، دەلێت، ئێران یاریی تێكدان و ڕۆڵی وێرانكەر لە ڕۆژهەڵاتی ناوەڕاست دەبینێت، بۆیە لەگەڵ ترەمپ لەسەر ئێران ڕێك كەوتووین و هاوڕاین، بەڵام لەسەر ڕووسیا جیاواز بیر دەكەینەوە.
لەبارەی ناوچەكەش سەرۆكی نوێی رێكخراوی سی ئای ئەی دەلێت رووسیا و لە ئۆكرانیا و ئەروپا و لەبارەی داعش دا رۆڵێكی وێران و دژمنكارانەی هەیە، كە هیچ كار بۆ شكەستی رێكخراوی تیرۆرستی داعش ناكات، هێرشە ئەلیكترۆنییەكانیش كارێكی دوژمنكارانەن، دووپاتی لەوە كردەوە كە ڕاپۆرتەكەی هەواڵگری ئەمەریكا ورد و تەواوە و حكوومەتی ڕووسیا لە هێرشە ئەلیكترۆنییەكان دەستوەردان و تێوەگلانی هەیە.