وەزارەتی تەندروستی هەرێمی کوردستان رایگەیاند، لە 24 کاتژمێری رابردوودا 195 توشبووی نوێی کۆرۆنا تۆمارکراوە و 16 کەسیش گیانیان لەدەستداوە.
وەزارەتی تەندروستی هەرێمی کوردستان لە راگەیەنراوێکدا رایگەیاند، لە 24 کاتژمێری رابردوودا 195 توشبووی نوێی کۆرۆنا تۆمارکراوە کە بەم شێوەیە بووە؛ هەولێر 30 توشبوو، سلێمانی 100 توشبوو، گەرمیان 62 توشبوو و لە دهۆکیش 3 توشبوی نوێی کۆرۆنا تۆمارکراوە.
باس لەوەشکراوە، لەو ماوەیەدا 29 کەس چاکبوونەتەوە کە بە گوێرەی پارێزگاکان بەم شێوەیە بوە، هەولێر 24 کەس، هەڵەبجە 2 کەس و لە پارێزگای دهۆکیش 3 توشبووی پەتاکە چاکبونەتەوە.
لەبارەی ئاماری گیان لەدەستدانیش وەزارەتی تەندروستی رایگەیاندووە، لە 24 کاتژمێری رابردودا 16 توشبوو گیانیان لەدەستداوە کە بەم شێوەیە بووە، سلێمانی 12 کەس، گەرمیان 3 کەس و لە پارێزگای هەولێریش توشبوویەک گیانی لەدەستداوە.
بە گوێرەی ئامارە فەرمییەکان تا ئەمڕۆ لە هەرێمی کوردستان چوار هەزار و 874 کەس توشی کۆرۆنا بوون، لەو ژمارەیەش هەزار و 543 توشبوو چاکبوونەتەوە و 149 توشبووش گیانیان لەدەستداوە.
