وەزیری پێشووتری دارایی عێراق ئازاد كرا
ئه‌نجومه‌نی باڵای داد له عیراق، رافع عیساوی، وه‌زیری پێشووتری دارایی عیراقی ئازاد كرد و هه‌موو دۆسیه و سكاڵاكانی داخست كه له‌دژی به‌رز كرابونه‌وه.
ئه‌مڕۆ سێشه‌ممه 30ی حوزه‌یرانی 2020، ئه‌نجومه‌نی باڵای داد له عیراق به‌یاننامه‌یه‌كی ده‌ركرد و رایگه‌یاند كه دادگای تایبه‌ت به لێكۆڵینه‌وه له دۆسیه‌ی تیرۆر له ناوچه‌ی ره‌سافه‌ی به‌غدا، لێكۆڵینه‌وه‌كانی له‌گه‌ڵ رافع عیساوی، وه‌زیری پێشووتری دارایی عیراق ته‌واو كردوه.
عیساوی كه تۆمه‌تبار كرابوو به تێوه‌گلانی له تیرۆر، دوای گه‌ڕانه‌وی بۆ عیراق، خۆی راده‌ستی دادگا كرد، له به‌یاننامه‌كه‌دا هاتووه كه تاكه به‌ڵگه له‌سه‌ر ئه‌و وه‌زیره، وته‌ی تۆمه‌تبارێك بووه، به‌ڵام دوای لێكۆڵینه‌وه له‌گه‌ڵیدا عیساوی ئه‌و تۆمه‌تانه‌ی ره‌تكردوه‌ته‌وه و هیچ به‌ڵگه‌یه‌كیشی له‌سه‌ر ساغ نه‌بووه‌ته‌وه.
پێشتر، عیساوی بە تۆمەتی تیرۆر دەستگیرکرابوو، بەشێک لە فراکسیۆنە سوننەکانیش، دەستگیرکردنی عیساوییان بە سیاسیی ناوبردبوو.
