بەشێک لە تووشبووانی کۆرۆنا لە هەولێر باری تەندروستیان ناجێگیرە
د. دلۆڤان محەمەد، بەڕێوەبەری گشتی تەندروستی ھەولێر لە لێداونێکدا بۆ ڕاگەیاندەکان گوتی : لە ئێستادا ٤٤٩ تووشبووی كۆرۆنا لە نەخۆشخانەكانی ھەولێر لە ژێر چاوەدێری دان ، بە داخەوە لەو ژمارەیەدا ٢٠ كەسیان تەندروستیان ناجێگیرە و ٦ کەسیان لە بەشی چاودێری چڕدان .
هاوکات ئاشکرای دەکات تووشبوون بە کۆرۆنا لە ناو گەنجانیشدا خەریکە دەبێتە دیاردە ، بەڵام بەگشتی ڤایرۆسەکە زیاتر کار لەو کەسانەدەکات کە نەخۆشی درێژخایەنیان هەیە .
لە کۆتاییدا بەڕێوەبەری گشتی تەندروستی ھەولێرئاشکرای دەکات : ھەرێمی كوردستان تا ئیستاش بە دوو قۆناغ لەنێو شەپۆلی یەكەمی كۆرۆنادایە لە قۆناغی یەكەمدا رێكارەكان باشتر جێبەجێكران و ڤایرۆسەكە بە ھیواشی بڵاوبووەوە،و تا رادەیەكی باش كۆنترۆڵكرا، بەڵام ئێستا ژمارەی تووشبووان زیاترە و باری تەندروستی نەخۆشەكانیش ناجێگیرترە هەربۆیەش ئەوە ئاماژەیەکی مەترسیدارە بۆ داهاتوو
