ئێران لە رێگەی هاوپەیمانەتییەکی نزیک لە خۆی گوشار دەخاتە سەر مستەفا کازمی بۆ لێپێچینەوە
لە نووسراوێکی محەمەد ئەلغەببان سەرۆکی هاوپەیمانی ئەلفەتح- ی نزیک لە ئێران ، داوا کراوە مستەفا کازمی بانگهێشتی پەرلەمان بکرێت.
وەک لە نووسراوەکە دەردەکەوێت لە 29 ی مانگی ڕابردوو ئامادە کراوە و ئەمڕۆ پـێنجشەممە لە میدیاکان و سۆشیال میدیا دەنگی داوەتەوە .
بەپـێی نووسراوەکە غەببان داوا دەکات کازمی بۆ پەرلەمان بانگهێشت‌بکرێت بۆگفتوگۆ کردن لەسەر پەتای کۆرۆنا، بەڵام هەندێک پـێـیان وایە ئەمە جۆرە فشارێکە بۆ سەرۆک وەزیری نوێ کە بەڵێنی داوە هیچ هێزێکی چەکدار لە دەرەوەی دەسەڵاتی حکومەتدا نەمێنێت.
نووسراوەکەی غەببان 52 پەرلەمانتار وەک پشتیوانی واژوویان کردووە . هەموویان پەرلەمانتارەکان لە نێو هاوپەیمانی ئەلفەتحن بە ڕێبەرایەتی هادی عامری ، سەرۆکی ڕێکخراوی بەدری نزیک لە ئێران.
