وەزارەتی کار و کاروباری کۆمەڵایەتی هه‌رێم ١٥ ملیار دینار بەسەر کەمدەرامەتانی هەرێم دابەش دەکات
دوای ئەوەی حکومەتی هەرێمی کوردستان لە سەرتا سەری کوردستان سەبەتەی خۆراکی بەسەر هاووڵاتیانی کەمدەرامەت دابەشکرد گوتەبێژی وەزارەتی کارو کارووباری کۆمەڵایەتی دەڵێت لە داهاتوویەکی نزیک بڕی ١٥ ملیار دینار بەسەر کەمدەرامەتان دابەاس دەکات.
ئاریان ئەحمەد، گوتەبێژی وەزارەتی کار و کاروباری کۆمەڵایەتی هه‌رێم لەبارەی دابەشکردنی پارەکە رایگه‌یاندووه، “ھاوشێوەی دابەشکردنی بڕە خۆراکەکە کە لە ماوەی ڕابردوودا حکوومەتی ھەرێمی کوردستان بەسەر کەمدەرامەتان دابەشی کرد، هه‌روه‌ها بڕی 15 ملیار دیناریش وەک پارە بەسەر کەمدەرامەتاندا دابەش دەکات”.
هەروەها گوتەبێژی وەزارەتی کار و کاروباری کۆمەڵایەتی هه‌رێم گوتیشی “بۆ ئەو مەبەستە بڕیاری دروستکردنی چەند لیژنەیەک دراوە بۆ ئەوەی لیستی ناوەکان ئامادە بکەن و دوای تەواوبوونی لیستەکەش بەپێی میکانزمێک بڕی پارەکە دیاری دەکرێت، بە شێوەیەک کەلێنێکیان بۆ بگرێت و بەشی پێداویستیی ماوەیەکیان ببێت”.
لە بارەی شێوازی دابەشکردنی پارەکە ئاماژه‌ی بۆ ئه‌وه‌شكردووه، بەگوێرەی ئەو كارانەی تاكو ئێستا كراون، ھەولێر 45 هه‌زار و 500، سلێمانی 32 هه‌زار و 500، دھۆک 32 هه‌زار و 500، ھەڵەبجە 5 هه‌زار و 200، گەرمیان 6 هه‌زار و 200 و راپەرین 7 هه‌زار و 800 كەمدەرامەت پارەكەیان بەسەردا دابەشدەكرێت.”
ئاریان ئەحمەد سه‌باره‌ت به کاتی دابەشکردنی پارەکە ئاشكرایكردوه، بەهۆی دابەشكردنی موچەوە كارەكانی لیژنەكە دواكەوت، چاوەڕێ دەكەین كارەكانی لیژنە فەرعیەكان لە هەفتەی داهاتو تەواو ببێت و لەنزیكترین كاتدا دەست بە دابەشكردنی 15 ملیار دینارەكە بكرێت.
