گه‌نجێكی ته‌مه‌ن 18 ساڵ به شه‌ش ساڵ ته‌واوی قورئانی پیرۆز و 250 فه‌رمووده له‌به‌ر ده‌كات
له گوندی سرێشمه‌ی سه‌ر به ناحیه‌یی خه‌لیفانی سنوری پارێگای هه‌ولێر گه‌نجێك به ناوی (ئیدریس وه‌سفی جه‌وهه‌ر) كه باوكی شه‌هیدی پێشمه‌رگه‌یه له ماوه‌ی شه‌ش ساڵ ته‌واوی قورئانی پیرۆز و 250 فه‌رمووده‌ی (حدیث الصحیح) له‌به‌ر كردووه.
ئیدریس وه‌سفی رایگه‌یاندووه كه له زگماكه‌وه نابینایه‌وه جگه له خۆی برا و برازایه‌كی دیكه‌شی به هه‌مان شێوه نا بینایه، به هۆی ئه‌وه‌ی باپیری مامۆستای ئاینی بووه‌و له ژێر كاریگه‌ری ده‌نگی چه‌ند قورئان خوێنێك هه‌وڵده‌دات ده‌ست به له‌به‌ر كردنی قورئانی پیرۆز بكات.
هه‌روه‌ها راشیگه‌یاند كه له ساڵی 2014 ده‌ستی به له‌به‌ركردنی قورئانكردووه، له رێگای ریكۆرد كردنی ده‌نگی مامۆستای ئاینی سرێشمه كه له لای ئه‌و خوێندوویه‌تی و دواتریش له رێگای گوێ گرتن توانیووه‌تی به ره‌وانی قورئان له‌به‌ر بكات و جگه له‌وه‌ش تا ئێستا 250 فه‌رمووده‌ی پێغه‌مبه‌ری ئیسلامی له‌به‌ر كردووه‌و هه‌روه‌ها له هه‌وڵه‌كانی به‌رده‌وامه بۆ له‌به‌ر كردنی فه‌رمووده‌ی زیاتر.
