وەزارەتی دارایی : خشتەی مووچەی سبەی بڵاو كرده‌وه
بەپێی ڕاگەیەنراوی وەزارەتی دارایی، ئەمڕۆ مووچەی وەزارەتی پەروەردە، دەرەوەی شار خەرج دەكرێت و ڕۆژی پێنجشەممەش مووچەی وەزارەتی پەروەردەى ناوشار خەرج دەكرێت.
سەرەتای ئەو هەفتەیە جووتیار عادل گوتەبێژی وەزارەتی حكوومەتی هەرێمی كوردستان ڕای گەیاند، تا 15ـی تەمووز مووچەی سەرجەم وەزارەتەكان دابەش دەكرێت، بۆیە پێشبینی دەكرێت لە دوو ڕۆژی داهاتوودا لیستێكی فراوانی مووچەی سەرجەم وەزارەتەكان بڵاو بكرێتەوە.
بەهۆی ڕاگرتنی بەشە مووچەی فەرمانبەرانی هەرێمی كوردستان لەلایەن بەغدا وەك سزادانێكی هاووڵاتییانی هەرێمی كوردستان و بڵاوبوونەوەی ڤایرۆسی كۆرۆنا، هەرێمی كوردستان تووشی تەنگژەی دارایی بوو، ئێستە هەوڵەكان بەردەوامییان هەیە تا هەولێر و بەغدا ڕێكبكەون.
