مه‌زارگه‌ی نه‌بی یونس و چه‌ند شوێنێكی دیكه ئازادكران
خواكوڕك
ئه‌مڕۆ دووشه‌مه 16/1/2017 راگه‌یاندنی جه‌نگی عێراق رایگه‌یاند، گه‌ڕه‌كێكیان له به‌ری چه‌پی موسڵ رزگاركردووه و له ئێستاشدا مه‌زارگه‌ی نه‌بی یونس و ناوچه‌كانی ده‌وروبه‌ری له‌به‌رده‌ست هێزه ئه‌منیه‌كانی عێراقین.
به‌پێی راگه‌یانراوه‌كه، هێزه‌كانی عێراق توانیویانه له سه‌دی 90ـی لای چەپی موسڵیان کۆنتڕۆڵ بكه‌نه‌وه و كۆی ئه‌و گه‌ڕه‌كانه‌ی كه‌وتوونه‌ته ژێر ده‌ستی هێزه عێراقیه‌كان 61 گه‌ڕه‌كه و ته‌نها 5 گه‌ڕه‌ك له‌به‌ری چه‌پی موسڵ ماوه كۆنتڕۆڵ بكرێت.
مەزاری نەبی یونس بە شوێنێکی پیرۆزی مسوڵمانان دادەنرا و پێش دوو ساڵ داعش تەقاندییەوە و ئێستاش جگە لە وێرانەیه‌ك ئاسه‌واری هیچ شتێکی دیکە لە مەزارەکە نەماوەتەوە.
ئۆپراسیۆنی کۆنترۆڵکردنەوەی موسڵە لە ١٧ تشرینی یەکەمی ٢٠١٦ دەستیپێکردووە و تا ئێستاش سوپا و هێزە ئەمنییەکانی عێراق بە پشتیوانی هاوپەیمانان توانیویانە بەشێکی زۆری بەشی چەپی شارەکە لە دەست چەکدارانی داعش کۆنترۆڵ بکەنەوە.
