سه‌رۆكی هه‌رێمی كوردستان پرسه نامه‌یه‌ك ئاراسته‌ی سه‌رۆك كۆماری مسر ده‌كات
دوای ئه‌وه‌ی ئێواره‌ی ئه‌مڕۆ وه‌زاره‌تی ده‌ره‌وه‌ی مسر هه‌واڵی كۆچی دوای ئەحمەد جیهاد سەعید حارس کۆنسوڵی وڵاتەکەیان لە هەولێر راگه‌یاند سەرۆکی هەرێمی کوردستان سەرەخۆشی خۆی ئاراستەی کەسوکارەکەی و سەرۆککۆماری میسر کرد.
نێچیرڤان بارزانی، سەرۆکی هەرێمی کوردستان ئەمڕۆ یەکشەممە 12-07-2020، پرسه‌نامه‌يه‌كى ئاراسته‌ى عه‌بدولفه‌تاح سيسى، سه‌رۆکكۆمارى ميسر كرد و تيايدا بۆ كۆچى دوايى ئه‌حمه‌د حارس كۆنسوڵى كۆمارى ميسرى عه‌ره‌بى له هه‌ولێر، سه‌ره‌خۆشى له سیسی كرد و هاوخه‌ميى خۆى بۆ له‌ده‌ستدانى خوالێخۆشبوو ده‌ربڕى كه دوێنێ له ميسر كۆچى دوايی كرد.
نێچيرڤان بارزانى، هه‌روه‌ها پرسنامه‌يه‌كى ئاراسته‌ى خانه‌واده‌ى خوالێخۆشبووش كرد و “له هه‌ردوو پرسه‌نامه‌كه‌دا هيواى خواست خواى مه‌زن خوالێخۆشبوو بخاته به‌ر به‌زه‌ييى خۆى و سه‌بوورى و دڵنه‌واييى خێزان و كه‌سوكارى بداته‌وه.”
