ئه‌مڕۆ كۆڕبه‌ندی داڤوس به به‌شداری سه‌رۆكی هه‌رێم به‌ڕێوه‌ده‌چێت
خواكوڕك
ئه‌مرۆ سێ شه‌مه رۆژی یه‌كه‌می كۆڕبه‌ندی داڤوس له سویسڕا به‌ڕێوه‌ده‌چێت و دیارترین سه‌ركرده‌كانی جیهان و کەسایەتییە ئابووری و سیاسییەکانی جیهان له 100 وڵاتی جیوازدا كۆده‌كاته‌وه و گەرمترین بابەتی ئابووری و سیاسی تێدا گفتوگۆ دەکرێت، كێشه‌ی سیاسیەکانی رۆژھەلاتی ناوەراست و دەرچوونی بەریتانیا لە یەکێتی ئه‌وروپا، بابەتی هەرە سەرەکی کۆنگرەی داڤۆس.
رۆژی یه‌كه‌می كۆڕبه‌نده‌كه به به‌شداری هه‌ریه‌كه له شی جینگپینگی سەرۆکی چین، جۆ بایدنی جیگری سەرۆکی ئەمریکا، تێرێزا مەی، سەرۆک وەزیرانی بەریتانیا و ئەنتۆنیۆ گۆتێرس، سکرتێری گشتیی نەتەوە یەکگرتووەکان به‌ێوه‌ده‌چێت و بابه‌تی سه‌ره‌كی كۆبوونه‌وه‌كه‌ش پەرەپێدان بە ئابووریی جیهانە و له‌په‌راوێزی كۆربه‌نده‌كه‌ش په‌یوه‌ندیه دوو لایه‌نی و سێلایه‌نیه‌كان ده‌خرێنه بواری گفتوگۆی چڕه‌وه.
مەسعود بارزانی سەرۆکی هەرێمی کوردستان، بانگهێشتی ئەو کۆڕبەندە كراوه كه گرنگی پێگه‌ی ئابووریی و سیاسی هه‌رێمی كوردستان ده‌ردەخات، به‌تایبه‌ت كه ئێستا به‌هۆی بۆڕی نه‌وتی كوردستان – جه‌یهان، به‌شێكه له نه‌خشه‌ی وزه‌ی جیهان. هه‌روه‌ها ئەو سەرکەوتنانەی کە پێشمەرگە لە جەنگی دژی داعش بە دەستی ھێناوە و كه ناونیشان و شانازیه‌كی زۆری به‌كورد و هه‌رێمی كوردستان به‌خشیوه.
