ئۆپیك:باس لە بەرز بوونەوەی نرخی نەوت و خەواست لە سەر نەوت لە جیهان دەكات
لە راپۆرتی مانگانەی خۆیدا رێكخراوی وڵاتانی هەناردەكارانی نەوت ( ئۆپیك) راگەیاندووە، كە پێشبینی دەكرێت تا ساڵی 2021 خواست لەسەر هەناردەی نەوت 7 ملیۆن بەرمیل لە رۆژێكدا تێپەرێنێت، بەڵام ئاماژەی بەوەش داوە كە ئەو خواستە، ناگاتە ئاستی ساڵی 2019″.
رێكخراوی وڵاتانی هەناردەكارانی نەوت ( ئۆپیك) ئاماژە بەوەش دەكات”ئەو پێشبینییەكان لەكاتێكدا راست دەردەچێت، كە گرژییە بازرگانییەكانی نێوان چین و ئەمەریكا زیاتر نەبن و ئاستی قەرزەكان روو لە بەرزبوونەوە نەكات و شەپۆلێكی دیكەی كۆرۆنا سەرهەڵنەداتەوە. هەروەها راشی گەیاندووە”كاتێك ئابووری روو لە بووژانەوە دەكات، كە كۆنترۆڵی ڤایرۆسی كۆرۆنا لە جیهان بكرێت،
هەروەها دەشلێت” چونكە ئەمە دەبێتە هۆی بەرزبوونەوەی ئاستی بەكاربردنی خێزان و كەرتی وەبەرهێنان، ئەمەش بەهاوكاری ئەو رێكارانەی لە پێناو رووبەڕووبوونەوەی كۆرۆنا گیراونەتە بەر”.
شایانی باسە ئەوە یەكەم راپۆرتی پێشبینییەكانی رێكخراوی ئۆپیكە كە لەبارەی بازاڕی نەوت و وزە لە جیهان بۆ ساڵی داهاتوو بڵاوی كردووەتەوە.
