وەزارەتی پێشمەرگە: دژە تیرۆری یەكێتی بێ ئاگاداری وەزارەتی پێشمەرگە هاوبەشی ئۆپراسیۆنێك بووە
وەزارەتی پێشمەرگە لەزاری جەبار یاوەر ئەمینداری گشتی وەزارەتی پێشمەرگە بە كەناڵی رووداوی راگەیاندووە”ئۆپەراسیۆنی هێزەکانی سوپای عێراق کە لەلایەن فیرقەی پێنج و فیرقەی نۆی زرێپۆش بە سەرپەرشتیی فەرماندەی هێزەکانی پیادەی عێراق ئەنجامدراو. فیرقەی پێنج خۆی سەر بە ئۆپەراسیۆنەکانی پارێزگای دیالە بەشداریکردووە، فیرقەی نۆی زرێپۆشیش لە بەغداوە بردراوە بەشدارییان کردووە کە لە ناوچەکانی قوریچایی نزیکی دووزخورماتوو دەستیپێکردووە تاوەکو نزیک کۆڵەجۆ، بۆ کێوماڵکردنی ئەو ناوچانە و هیچ هاوئاهەنگییەک نەبووە نەبووە لەنێوان وەزارەتی پێشمەرگە و وەزارەتی بەگریی عێراق.
بەڵام جەبار یاوەر رایەكی تر هەیە دەلێت، هێزەکانی دژە تیرۆر سەر بە وەزارەتی پێشمەرگە نین و سەر بە ئەنجوومەنی ئاسایشی کوردستانن و فەرمان لە وەزارەتی پێشمەرگە یان فەرماندەیی 70 وەرناگرن، “چونکە ئێستا ناتێگەیشتنێک هەیە و دەڵێن بۆچی ئەوان کە ئەم ئۆپەراسیۆنەیان ئەنجامداوە پرسیان بە وەزیری پێشمەرگە یان وەزارەتی پێشمەرگە نەکردووە. ئەم هێزە سەر بە ئەنجوومەنی ئاسایشە و تەنسیقەکەی لەگەڵ دژە تیرۆر عێراق بووە، کارەکەیان پەیوەندییان بە ئۆپەراسیۆنەکەی سوپای عێراقەوە نەبووە”.
