نوێنەری نەتەوە یەکگرتووەکان بۆ چارەسەرکردنی کێشەکانی عێراق پێشنیاری کۆنفیدراڵی دەکات
نوێنه‌ری نه‌ته‌وه یه‌كگرتووه‌كان له عێراق یونامی رایگه‌یاندووه كه نه‌ته‌وه‌یه‌كگرتووه‌كان پشتگیری چاره‌سه‌ری كردنی ئالۆزیه‌كانی نێوان هه‌ولێر و به‌غدا ده‌كات.
ههروهها رایگه‌یاندووه كه نه‌ته‌وه‌یه‌كگرتووه‌كان نه‌خشه رێگایه‌كی فراوانی بۆ چاره‌سه‌ركردنی كێشه هه‌ڵواسراوه‌كانی نێوان هه‌ولێر و به‌غدای له سه‌ر بنه‌مای كۆنفیدراڵی ئاماده‌كردووه.
یونامی راشیگه‌یاندووه كه هه‌ولێر و به‌غدا به‌رده‌وامن له گفتوگۆ بۆ چاره‌سه‌ركردنی كێشه‌كانی نێوانیان و نه‌ته‌وه‌یه‌كگرتووه‌كانیش به هه‌موو شێوه‌یه‌ك ئاماده‌یه له سه‌ر بنه‌مای ده‌ستوری عێراق هاوكاربێت.
به پێی نه‌خشه رێگاكه نه‌ته‌وه‌یه‌كگرتووه‌كان جه‌خته له سه‌ربه‌خۆی و یه‌كپارچه‌ی خاكی عێراق ده‌كاته‌وه، ههروهها راشیگه‌یاندووه كه جینین پلاسخار نوێنه‌ری نه‌ته‌وه‌یه‌كگرتووه‌كان له عێراق مژاری كۆنفیدرالی له‌گه‌ڵ هه‌ریه‌كه له سه‌ر كۆمار و سه‌رۆك وه‌زیران و ههروهها له‌گه‌ڵ حكومه‌تی هه‌رێمی كوردستان تاوتوێكردووه.
