گەشتە ئاسمانییەکانی عێراق دەستی پێکردەوە .
![](https://xwakurk.com/wp-content/uploads/2020/07/webste-qalb-wena-60.jpg)
میدیا عێراقییەکان ئەمڕۆ هەواڵی دەستپێکردنەوەی گەشتە ئاسمانییەکانی عێراقیان ڕاگەیاند لە دوای چوارمانگ داخستن و ناچالاکی بە هۆی مەترسییەکانی ڤایرۆسی کۆرۆنا .
وەک سەرچاوەی هەواڵەکە باسی کردووە لە دوای چوار مانگ ، ئەمڕۆ بەیانی گەشتەکان بۆ وڵاتانی لوبنان و تورکیا دەستی پێکرد و کارمەندانی فڕۆکەوانیش بە بەستنی دەمامک و دەستکێش و پشکنین بۆ گەشتیاران دەستیان بە ئەرکی خۆیان کردەوە .
هاوکات فڕۆکەخانەکانی نەجەف و بەسرە لە باشووری عێراق ئامادەیی خۆیان بۆ گەشتی گەشتیاران دەربڕیوە .
ئەوە لە کاتێکدایە فرۆکەخانەکانی هەرێمی کوردستان بە پێی بڕیار تا یەکی مانگی هەشت هەروا بە داخراوەیی دەمێننەوە .