عێراق : 90کەسی دیکە بە هۆی کۆرۆنا گیانیان لە دەستدا
وەزارەتی تەندروستی و ژینگەی عێراق لە ڕاگەیاندراوێکدا ئاماری 24کاتژمێری ڕابردووی تایبەت بە کۆرۆنای ڕاگەیاند
لە ڕاگەیاندراوەکەدا هاتووە لە ماوەی 24 کاتژمێری ڕابردوو تا ئێستا دوو هەزار و 458 کەسی دیکە لە عێراق تووشی کۆرۆنا بوون و هەزار و 863 کەسی دیکەش چاکبوونەوە.
90 کەسی دیکەش هەرلەو ماوەدا بەهۆی ڤایرۆسەکە گیانیان لەدەستداوە کە 14 کەسیان دانیشتووی بەغدان، 10 کەسیان دانیشتووی سلێمانین و 9 کەسیان دانیشتووی کەربەلان.
بە پێی ئەو ئامارە ، ژمارەی تووشبووان لە عێراق بۆ 104 هەزار و 711 کەس بەرزبووەوە، لەو ژمارەیەش 71 هەزار و 268 کەس چاکبوونەتەوە و چوار هەزار و 212 کەسیش گیانیان لەدەستداوە.
