کونسولی نوێی ئەمریکا لە هەولێر لە لایەن سەرۆک بارزانی پێشوازی کرا

 

ئەمڕۆ شەممە ٢٥ـی ٧ـی ٢٠٢٠ سەرۆک  مسعود بارزانی پێشوازی لە  ڕۆبرت والێر کونسولی  نوێی ئەمەریکا لە هەولێر کرد.

 

لە دیدارێکدا کە بەڕیز کونسولی  پێشوو  ئامادەی بوو، سەرۆک بارزانی هیوای سەرکەوتنی بۆ کونسلی نوێ خواست و هەروەها بۆ کونسلی پێشوو لە کاری تازەیدا.

 

هەر لەو دیدارەدا باس لە بارەدۆخی سیاسی و ئابووری هەرێمی کوردستان و عێراق و ڕۆژهەڵاتی ناوەڕاست و پێشهاتەکانی کاریگەری پەتای کۆڕۆنا کرا.

 

لای خۆیەوە کونسولی  نوێی ئەمریکا سوپاسی هەڵوێستی مرۆییانەی هەرێمی کوردستانی کرد بەرامبەر کۆچبەر و پەنابەران کە بەهۆی شەڕی داعش پەنایان بۆ هەرێمی کوردستان هێناوە.

Back to top button