پرسەنامەی سەرۆکی حکومەتی هەرێمی کوردستان بە بۆنەی کۆچی دوایی دایکی شەهیدان
مەسرور بارزانی سەرۆکی حوکمەتی هەرێمی کوردستان بە بۆنەی کۆچی داوایی دایکە عائیشە دایکی سێ شەهید ، کە بە دایکی شەهیدان ناسراوە ، پرسەنامەیەک ئاراستەی بنەماڵەی خوالێخۆشبوو دەکات و دایکە عائیشە وەک نموونەی خۆڕاگری و قوربانیدان ناودەبات
ده‌قی پرسه‌نامه‌كه:
پرسەنامەیەک لە سەرۆکی حکومەتی هەرێمی کوردستان
بە داخێکی زۆرەوە هەواڵی کۆچی دوایی (دایکە عائیشە)مان بیست کە دایکی سێ شەهیدی قارەمانی کوردستان و نموونەی خۆڕاگری و قوربانیدان بوو. پرسە و سەرەخۆشی گەرممان بە بنەماڵە بەڕێزەکەی ڕادەگەیەنین . خوای مەزن گیانی بە بەهەشت شاد بکات و ئارامیی ودڵنەواییش بە کەسوکاری ببەخشێت.
مەسرور بارزانی
سەرۆکی حکومەتی هەرێمی کوردستان
2020/7/27
