لەدوای کوشتنی خوشکی ڕایکرد بەڵام پۆلیس دەستگیری کرد
لە لیدوانێکدا بۆ ڕاگەیاندنەکان هۆگرعەزیز گوتەبێژی پۆلیسی هەولێر ئاشکرای دەکات گەنجێکیان دەستگیر کردووە بە تاوانی کوشتنی خوشکەکەی .
هۆگر عەزیز ئاماژە بەوە دەکات لە دوای ئاگادار بوونەوەی هێزەکانیان لە کێشەیەکی کۆمەڵایەتی و کوشتنی کەسێک لە سنووری بنکەکەیان لە گەڕەكی قەڵاتی نوێی سنووری ناحیەی كەسنەزان، تیمەکانی یاتبەتی لێکۆڵینەوەی بنکە خۆیان گەیاندۆتە شوێنی رووداوەکە و زاندراوە کچێک بە ناوی زەینەب بە دەستی براکەی کوژراوە و دواتر براکەی بە ناوی ( س،ح، س ) ڕایکردووە .
بەڵام پۆلیس توانیویەتی لە دوای نیو کاتژمێر دەستبەسەری کات و بە پێی ماددەی ( ٤٠٦ ) لە یاسای سزادان بەندی بکات .
وەک گوتەبێژی پۆلیس ئاماژەی پێداوە ، رووداوەکە بە هۆی کێشەی کۆمەڵایەتی و دەمەقاڵێی نێوان ئەو خوشک و برایە هاتۆتە ئاراوە
