پرسەنامەیەك لە سەرۆكی هەرێمی كوردستانەوە
بەبۆنەی كۆچی دوایی خاتو جیهان رەشید سندی، راوێژكار لە ئەنجوومەنی وەزیرانی هەرێمی كوردستان، نێچیرڤان بارزانی، سەرۆكی هەرێمی كوردستان پەیامێكی سەرەخۆشی ئاراستەی كەس و كار و خانەوادەی كۆچكردوو كرد.
دەقی پرسەنامەی نێچیرڤان بارزانی بۆ خانەوادەی جیهان رەشید سندی:
پرسه و سه‌‌رخۆشى له خانه‌واده و كه‌سوكار و هاوكارانى راوێژكارى ئه‌نجوومه‌نى وه‌زيرانى هه‌رێمى كوردستان خوالێخۆشبوو، خاتوو جيهان ره‌شيد سندى ده‌كه‌م، كه به داخه‌وه ئه‌مڕۆ كتوپڕ كۆچى دوايى كرد. هاوبه‌شى خه‌م و په‌ژاره‌يانم، له خواى مه‌زن داواكارم خوالێخۆشبوو بخاته به‌ر به‌زه‌يى و ميهره‌بانيى خۆى و ئارامى و دڵنه‌واييش به هه‌موو لايه‌كيان ببه‌خشێت.
خوالێخۆشبوو نموونه‌ى كارامه‌يى و راوێژكارێكى لێهاتووى شاره‌زا و خاوه‌ن ئه‌زموونێكى ده‌وڵه‌مه‌ند و ده‌ستپێشخه‌ر بوو، كه هه‌ميشه به خه‌مخۆرى و دڵسۆزانه ئه‌رك و كاره‌كانى به رێكوپێكى ئه‌نجام داوه و جێپه‌نجه‌ى به چه‌ندين كارى سه‌ركه‌وتووى ساڵانى رابردووى بوارى پسپۆڕيى خۆيه‌وه له ئه‌نجوومه‌نى وه‌زيران و دامه‌زراوه په‌يوه‌نداره‌كانى حكومه‌تى هه‌رێمى كوردستانه‌وه دياره. بێگومان كۆچى ناواده‌ى ئه‌و، بۆشايييه‌ك جێده‌هێڵێت و بۆ هه‌ميشه له يادى ئێمه و هاوكارانيدا ده‌مێنێته‌وه.
نێچيرڤان بارزانى
سه‌رۆكى هه‌رێمى كوردستان
28/7/2020
