رۆژانی پشووی جەژنی قوربان دیاری كرا
بەپێی راگەیاندراوی گوتەبێژی حكومەتی هەرێمی كوردستان رۆژی ھەینی ٣١ ته‌موزی ٢٠٢٠ تا رۆژی سێشەممە ٤ ئاب بۆ ماوەی پێنج رۆژ له ته‌واوی داموده‌زگا فه‌رمییه‌كانی هه‌رێمی كوردستان پشووی فه‌رمییە و، رۆژی چوارشەممە دەوام دەستپێدەكاتەوە.
دەقی راگەیاندراوەكە..
راگەیاندراوێک لە گوتەبێژی حکومەتی هەرێمی کوردستان سەبارەت بە رۆژانی پشووی جه‌ژنی قوربان
به‌بۆنه‌ی جه‌ژنی پیرۆزی قوربان، رۆژی ھەینی ٣١ ته‌موزی ٢٠٢٠ تا رۆژی سێشەممە ٤ ئاب بۆ ماوەی پێنج رۆژ له ته‌واوی داموده‌زگا فه‌رمییه‌كانی هه‌رێمی كوردستان پشووی فه‌رمییە و، رۆژی چوارشەممە دەوام دەستپێدەكاتەوە.
داوا له هاووڵاتییان ده‌كه‌ین لە رۆژانی جەژندا له پێناو پاراستنی ته‌ندروستی هه‌موومان، پابه‌ندی رێنماییه ته‌ندروستییه‌كانی به‌ره‌نگاربوونه‌وه‌ی په‌تای كۆرۆنا بن.
جه‌ژنی قوربان له هه‌موو لایه‌ك پیرۆز بێت.
د. جوتیار عادل
گوته‌بێژی حكومه‌تی هه‌رێمی كوردستان
٢٩\٧\٢٠٢٠
