ئه‌ندامێكی لێژنه‌ی دارای له په‌رله‌مانی عێراق: به‌م نزیكانه به‌غدا مووچه‌ی فه‌رمانبه‌رانی هه‌رێم ده‌نێرێت
دوای ئه‌وه‌ی دوێنێ وه‌یزری هه‌رێم بۆ كاروباری دانوستاندن له‌گه‌ڵ به‌غدا رایگه‌یاند كه به‌غدا په‌یامی بۆ هه‌رێمی كوردستان ناردووه كه ئاماده‌ی رێككه‌وتنه له‌گه‌ڵ هه‌رێمی كوردستان له باره‌ی مووچه‌ی و شایسته داراییه‌كانی فه‌مانبه‌ران، ئه‌مڕۆ ئەندامێکی لیژنەی دارایی پەرلەمانی عێراق رایگەیاند، لێکنزیکبوونەوەیەکی باش لەنێوان هەولێر و بەغدا هەیە و بەمزووانە بەغدا مووچەی هەرێمی کوردستان دەنێرێت.
ئیخلاس دلێمی، ئەندامی لیژنەی دارایی لە پەرلەمانی عێراق، له باره‌ی رێككه‌وتنی نێوان هه‌ولێر و به‌غدا رایگه‌یاندووه كه لێکتێگەیشتنێکی باش لە نێوان هه‌ردوو لا هەیە. چەند ئاماژەیەکی باش بۆ چارەسەرکردنی کێشەکان و گەیشتن بە رێککەوتن هەیە، بڕیاریشە بەمنزیکانە بەغدا مووچەی فەرمانبەران رەوانە بکات.”
هه‌روه‌ها ئه‌و ئەندامەی لیژنەی دارایی لە پەرلەمانی عێراق راشیگه‌یاندووه كه بەپێی یاسای قەرزی نێودەوڵەتی کە بە هەوڵی زۆر بڕگەیەکمان جێگیرکردووە، هەرێمی کوردستان پشکێکی دەبێت بەپێی رێژەی دانیشتووان لە هەر قەرزێکی نێودەوڵەتی و بەمنزیکانە هەردوو حکومەتی هەرێمی کوردستان و حکومەتی فیدراڵی دەگەنە رێککەوتنی کۆتایی.
