وەزارەتی دەرەوەی ئەمەریکا لەبارەی کۆبونەوەی لەگەڵ (پەکەکە) رونکردنەوە دەدات
![](https://xwakurk.com/wp-content/uploads/2020/08/وەزارەتی-دەرەوەی-ئەمەریکا.jpg)
وتەبێژێکی وەزارەتی دەرەوەی ئەمەریکا ئەو هەواڵانەی ڕەتکردەوە کە دەڵێن کاربەدەستانی ئەمەریکایی لەگەڵ پارتی کرێکارانی کوردستان (پەکەکە) لە نزیک قەندیل کۆبوونەتەوە.
دەنگی ئەمریکا لێدوانی وتەبێژێکی وەزارەتی دەرەوەی ئەمریکای بڵاوکردەوە و تێیدا هاتووە، هەواڵی کۆبوونەوەی کاربەدەستانی ئەمریکا لەگەڵ پەکەکە ڕاست نییە و کۆبوونەوەی لەو جۆرە ڕووینەداوە.
سەرچاوەیەکی سەربازیی لە سوپای ئەمریکاش بە دەنگی ئەمریکای وتووە، هیچ کۆبوونەوەیەک نەکراوە و هەواڵەکان درۆن.
وتەبێژەکەی وەزارەتی دەرەوە بە دەنگی ئەمەریکای راگەیاندووە، ئەو هەواڵە هیچ ڕاستی بۆ نیـیە،کۆبوونەوەی لەم جۆرە ڕووی نەداوە.
پـێشتر لە میدیاکانی هەرێمی کوردستان و ناوچەکە باس لەوە دەکرا شاندێکی ئەمەریکا بە چەند ئۆتۆمبیلێک کە فڕۆکەی جەنگی پارێزگاری لێکردوون، بەرەو نزیک قەندیل ڕۆیشتوون و لەوێ لەگەڵ ئەندامانی پەکەکە کۆبوونەتەوە.