هەولێر و بەغدا دەست بە دانووستانەکانیان دەکەنەوە
ئەحمەد مولا تەڵاڵ گوتەبێژی سەرۆك وەزیرانی عیراق لە كۆنفرانسێكی ڕۆژنامەوانیدا ڕایدەگەیەنێت ، بۆ چارەسەری کێشە هەڵپەسێراوەکان بەم زووانە شاندی دانووستانکاری بەغدا و هەولێر دەست بە دانووستان دەکەنەوە .
وەک ئەحمەد مولا گوتی : بەم زووانە شاندێکی هەرێمی کوردستان سەردانی بەغدا دەکاتەوەو تا رێککەوتنی کوۆتایی گفتوگۆکان بەردەوام دەبن .
هاوکات ئاشکرای دەکات هەردووک لا وەک هەرێمی کوردستان و بەغدا گەیشتوونەتە ئەو ئەنجامەی کە تەنها بە گفتوگۆ کێشەکان چارەسەر دەکرێن و پێویستە نییەتی دیالۆگەکان ئاشتیانە و لە سەر بنەمای دەستوور بن
