هه‌ولێر : له سبه‌ینێوه ئه‌م شوێنانه داده‌خرێن
قایمقامیه‌تی ناوه‌ندی هه‌ولێر بڕیاریدا له رۆژانی هه‌ینی چه‌ند شوێنێك وه‌ك خۆپارێزی له كۆرۆنا دابخرێن.
قایمقامیه‌تی ناوه‌ندی هه‌ولێر چه‌ند بریارێكی نوێی ده‌ركرد و به‌پێی بڕیاره‌كان له رۆژانی هه‌ینیدا بازاڕه میللیه‌كان، پێشه‌نگاكانی ئۆتۆمبێل، گۆڕه‌پانی باڵنده و مۆتۆڕسكیله‌كان داده‌خرێن.
له پارێزگای هه‌ولێر ماوه‌ی دوو هه‌فته‌یه به‌رده‌وام ژماره‌ی توشبوان له به‌رزبونه‌وه‌دایه و ته‌نها دوێنێ له‌و پارێزگایه 218 كه‌س توشبوون و شه‌ش كه‌س گیانیان له‌ده‌ستداوه.
به‌وه‌ش سه‌رجه‌می توشبون به كۆرۆنا له هه‌ولێر گه‌یشتووه‌ته پێنج هه‌زار و 417 كه‌س و له‌و ژماره‌یه‌ش 148 كه‌س مردون و سێ هه‌زار و 337 كه‌س چاكبونه‌ته‌وه.
