تەعریبێکی نوێ لە خورماتوو لە ئارادایە
هێزە ئامنییەکانی عێراق بە ئاشکرا پشتیونی لە عەرەبە هاوردەکان دەکەن
بەرپرسێکی پارتی لە خورماتوو ئاشکرای دەکات تەعریبێکی نوێ لە ناوچەکوردستانییەکانی خورماتوو لە ئارادایە و هێزە ئەمنییەکانی عێراقیش ڕاستەوخۆ پشتیوانی دەکەن بۆ جێگیر بوونی عەرەبە هاوردەکان .
ئەرسەلان عەلی، بەرپرسی ناوچەی خورماتووی پارتی دیموکراتی کوردستان لە لێداونێکدا بۆ ڕاگەیاندنەکان گوتی : ئاگادارین لە سنووری خورماتوو هەوڵێکی چڕ لە ئارادایە بۆ گەرانەوەی عەرەبە هاوردەکانی سەردەمی بەعس بۆ ناوچە کوردستانیەکان و بە نووسراوی فەرمی پارێزگاری سەلاحەدین بڕیار لە سەر گێڕانەوەی عەرەبە هاوردەکان داوە بۆ ئەو ناوچە کوردستانییە .
وەک ئەرسەلان عەلی ئاماژەی پێداوە نامەی جێگیر بوونی ئەو عەرەبانە ئاراستەی قایمقامی خورماتوو کراوە و تەیدا هاتووە ئەو عەرەبانەی كاتی بەعس لە ناوچەی (حەیفا)ی سنووری خورماتوو بوون بگەڕێندرینەوە، هەروەها خزمەتگوزاریشیان پێ بگەیەندرێت،.
لە کۆتایی لێدوانەکەیدا ئەو بەرپرسەی پارتی باس لەوە دەکات ، دیارە هەوڵی تەعریبكردنەوەی ناوچەكەیە و بۆ داگیركردنی زەوی و زاری كوردانە كە ئەو هەوڵە لە دوای 16ی ئۆكتۆبەرەوە بەردەوامە و تا ئێستاش دەسەڵات لە ناوچەكە بە هەمان ئەقڵیەتی بەعسەوە مامەڵە دەكات و بڕیارەکانی دەستووری لە مادەی 140 لای ئەوان بێبایەخە
