سەرۆك بارزانی سەرەخۆشی لە دلاوەر ئاژگەیی دەکات

بە بۆنەی کۆچی دوایی سلێمان خالید ، کە دەکاتە براگەورەی دلاوەر ئاژگەیی ، سەرۆک بارزانی پرسەو هاخەمی خۆی ئاراستەی دلاوەر ئاژگەیی و بە گشتی بنەماڵەی خوالێخۆشبوو دەکات

دەقی پرسەنامەکە

بەناوی خودای مەزن و دلۆڤان

بەڕێز کاک دلاوەر ئاژگەیی ـ نوێنەری حکوومەتی هەرێمی کوردستان لە یەکێتیی ئەورووپا

به‌داخەوە ‌‌ هه‌واڵی كۆچی دوایی برای گەورەتان، سلێمان خالید ئاژگەییمان پێگه‌ییشت.

سه‌ره‌خۆشی له‌ بەڕێزتان و تەواوی خانەوادە تێکۆشەرەکەتان و خزم و ئاشنایانتان دەكەم و خۆم بە ھاوبەشی خەمتان دەزانم.

‌لە‌ خوای گه‌وره‌ داواکارم گیانی کاک سلێمان بخاتە بەر ڕەحمەتی خۆی و ئۆقرەیی و ئارامییش بەھەموولایەك ببه‌خشێت .

انا للە وانا الیە راجعون

مسعود بارزانی

٦ـی٨ـی٢٠٢٠