سۆران.. 21 كه‌سی تر تووشی ڤایرۆسى كۆرۆنا بوون
قایمقامی سۆران ئاشكرایكرد، به‌هۆی زۆربوونی ژماره‌ی توشبووان به كۆرۆنا، شوێنه قه‌ره‌باڵغه‌كانی سنووره‌كه داده‌خرێن.
كرمانج عزه‌ت قائمقامی شارۆكه‌ى سۆران، له پێگه‌ى تایبه‌تى خۆى له تۆڕی كۆمه‌ڵایه‌تی فه‌یسبووك ڕاى گه‌یاندووه، ئه‌و 21 تووشبووه، سێیان له ڕه‌واندوز و یه‌كێكیان له خه‌لیفان و 17 كه‌سیشیان له ناو سۆرانن.
كرمانج عزه‌ت ڕوونى كردووه‌ته‌وه، بە ھۆی زۆربوونی حاڵه‌ته‌كانی تووشبوون به ڤایرۆسى كۆرۆنا له سنووره‌كه، ئه‌مڕۆ هه‌ینی هیچ مزگه‌وتێك ناكرێته‌وه و وتاری هه‌ینی ناخوێنرێته‌وه و شوێنه قه‌ره‌باڵغه‌كانیش داده‌خرێن.
له به‌شێكی ترى په‌یامه‌كه‌یدا ئاشكراى كردووه، ڕه‌وشه‌كه قورسه و خه‌ریكه نه‌خۆشخانه‌كان جێگه‌ی نه‌خۆشیان تێدا نه‌بێته‌وه.
