سه‌رۆكی فراكسیۆنی پارتی: هه‌ولێر و به‌غدا له‌سه‌ر بنه‌ما سه‌ره‌كیه‌كان رێككه‌وتوون
له‌گه‌ڵ ئه‌وه‌ی بڕیاره بۆ گفتوگۆكردنی كێشه هه‌ڵواسراوه‌كانی نێوان هه‌ولێر و به‌غدا شاندێكی هه‌رێمی كوردستان رۆژی سێشه‌ممه سه‌ردانی به‌غدا بكات، سه‌رۆكی فراكسیۆنی پارتی له‌په‌رله‌مانی عێراق رایده‌گه‌یێنێت كه هه‌ردوولا له‌سه‌ر بنه‌ما سه‌ره‌كیه‌كان رێككه‌وتوون تەنیا ھەندێ وردەکاری ماوە بۆ ڕۆژی سێشەممە.
د. ڤیان سەبری، سەرۆکی فڕاکسیۆنی پارتی لە پەرلەمانی عێراق، له باره‌ی رێككه‌وتنی نێوان هه‌ولێر و به‌غدا رایگه‌یاندووه كه، بە مەبەستی گەیشتن بە ڕێککەوتن ڕۆژی سێشەممە شاندی دانوستانکاری ھەرێمی کوردستان سەردانی بەغدا دەکات، ھەردوولا گەیشتوونەتە بنەما سه‌ره‌كیه‌کان و ھەندێ وردەکاری لە نێوان ھەردوو حکوومەتی ھەرێم و بەغدا ماوە.
هه‌روه‌ها سەرۆکی فڕاکسیۆنی پارتی لە پەرلەمانی عێراق ده‌شڵێت ، سه‌ردانه‌كه‌ی شاندی هه‌رێم بۆ ته‌واو كردنی ئه‌و ورده‌كاریانه‌یه كه له رێككه‌وتنه‌كه‌ی نێوان هه‌ولێر و به‌غدا داهه‌یه.
لەبارەی ناردنی مووچەی فەرمانبەران لەلایەن حکوومەتی عێراقەوە، د. ڤیان سەبری ئاماژه به‌وه ده‌كات كه بێگومان مەبەست لە وردەکاری، ناردنی مووچەی فەرمانبەرانی ھەرێمی کوردستانە، بەڵام زانیاریم نییە لەسەر وردەکاری لەبارەی ڕەوانەکردنی مووچەوە.
