نرخی چارەسەری نەخۆشخانە ئەهلییەکان کەمکرایەوە
گوتە بێژی وەزارەتی تەندروستی حکومەتی هەرێمی کوردستان لە روونکردنەوەیەکدا ، دڵنیایی دەداتە هاووڵاتیان و ئاماژە بە کەمکردنەوەی نرخی چارەسەری نەخۆشخانە ئەهلییەکا دەکات .
لە روونکردنەوەکەدا هاتووە بەهۆی باروگوزەرانی هاوڵاتیان لەم دۆخەی ئێستای نەخۆشی کۆڕۆنا، بەڕێژەی ٤٠ تا ٥٠ لەسەدای نرخەکان لەلایەن لێژنەیەکی ڕاوێژکاری کەمکرایەوە و بە فەرمانی وەزاری ڕێکار و ڕێوشوێنی پێویست دەرچووە
دەقی روونکرنەوەکە
ڕونکردنەوەیەک لە وەزارەتی تەندروستی …
سەبارەت بە بڵابوونەوەی چەند نرخێکی چارەسەری نەحۆشانی کۆرۆنا لە نەخۆشخانە ئەهلیەکان.
دەمانەوێت هاوڵاتیانی خۆشەویست دڵنیا بکەینەوە کەوا نرخەکانی چارەسەری بەهۆی باروگوزەرانی هاوڵاتیان لەم دۆخەی ئێستای نەخۆشی کۆڕۆنا، بەڕێژەی ٤٠ تا ٥٠ لەسەدای نرخەکان لەلایەن لێژنەیەکی ڕاوێژکاری کەمکرایەوە و بە فەرمانی وەزاری ڕێکار و ڕێوشوێنی پێویست دەرچووە.
تیمەکانی پشکنین بەدواداچوونی ڕۆژانە دەکەن و وەزارەتمان بەردەوام دەبێت لە کەمکردنەوەی نرخەکان و رێگانادرێت بە هەر زیادەرۆیی و سەرپێچیەک.
وتەبێژی
وەزارەتی تەندروستی
١٠ ئاب ٢٠٢٠
