سلێمانی : ژنێک مانگانە یەک ملیۆن دینار زیاتر وەردەگرێت کەچی دەیگوت پشتم شکاوە لە برسان
لە روونکردنەوەیەکدا بۆ ڕای گشتی، بەڕێوەبەرایەتی رەگەزنامەو باری شارستانی سلێمانی دژ بە چەواشەکاری و ڕاکێشانی بواری بەزەیی کۆمەڵگە لە پێناو ئامانجێکی سیاسی ، نهینی خۆپیشاندەرێکی دوێنێی سلێمانی ئاشکرا دەکات کە دەیگوت لە برسان هاتوومەتە سەر شەقام .
بەڕێوەبەرایەتی رەگەزنامەو باری شارستانی سلێمانی لەو روونکرنەوەیەدا ئاماژە بەوە دەکات ئەوژنەی گوتی لە برسان هاتوومە سەرشەقام و نانی شەوم نییە بیخۆم ، هەموومانگێک بە بێ دوا کەوتن مانگانە یەک ملیۆن و 115 هەزار دیناری عێراقی وەردەگرێت لە حکومەتی ناوەندی و هیچکاتیش مووچەکەی لێبڕینی نەبووە
دەقی روونکردنەوەكە:…
لە بەڕێوەبەرایەتی ڕەگەزنامەو باری شارستانی سلێمانی بۆ ڕای گشتی و ڕاگەیاندنەکان..
بابەت/ ڕوونکردنەوە.
بەڕێزان کارمەندمان بەناوی( گوڵاڵە محمد حسین)کە پلەی کارگوزارە موچەی مانگانەی بەبڕی(١٫١١٥٫٠٠٠)یەک ملیۆن و سەد و پانزە هەزار وەردەگرێت لەبەڕێوەبەرایەتیەکەمان بەبێ پاشەکەوت و لێبڕین لەبەر ئەوەی بەڕیوبەرایەتیمان سەر بەدام و دەزگای فیدڕاڵی عیراقە.
وەبەڕەچاوکردنی باری تەندروستی کارمەندان هەفتەی(٢) ڕۆژ دەوام دەکات.
بەبێ گوێدانە بەرپرسیارێتی بەشداری خۆپشاندانەکانی ڕۆژی چوار شەمە بەرواری٢٠٢٠/٨/١٢ کردووە لەپارکی ئازادی شاری سلێمانی وهەندێک قسە و ڕادەربڕینی کردووە بۆ ڕاگەیاندنەکان کەدوورە لە ڕاستیەوە. کەتەنها بۆچوونی کەسێتی خۆیەتی و بەڕێوە بەرایەتیەکەمان ئاگادار نیە لەو هەڵسوکەوتەی کردوویەتی
عمیدی مافپەروەر/
محمد سعید محمد صاڵح
