وه‌زاره‌تی ته‌ندروستی ئاماری یه‌ك هه‌فته‌ی تایبه‌ت به‌ كۆرۆنای بڵاوكرده‌وه‌

وه‌زاره‌تی ته‌ندروستی هه‌رێم ئاماری یه‌ك هه‌فته‌ی تایبه‌ت به‌ كۆرۆنای راگه‌یاند و به‌وپێیه‌ش له‌و ماوه‌یه‌دا زیاتر له‌ 100 كه‌س له‌ كوردستان به‌ ڤایرۆسه‌كه‌ گیانیان له‌ده‌ستداوه‌.

وه‌زاره‌تی ته‌ندروستی هه‌رێمی كوردستان ئاماری هه‌فته‌یه‌كی كۆرۆنای له‌هه‌رێمی كوردستان بڵاوكرده‌وه‌، ئاماره‌كه‌ له‌ 7-8- 2020 بۆ 14-8-2020 پیشان ده‌دات، به‌وپێیه‌ش له‌و ماوه‌یه‌دا 101 كه‌س به‌ ڤایرۆسه‌كه‌ گیانیان له‌ده‌ستداوه‌، 65 كه‌س له‌ هه‌ولێر، 29 كه‌س له‌ سلێمانی، سێ كه‌س له‌ دهۆك و چوار كه‌سیشیان له‌ هه‌ڵه‌بجه‌ بوه‌.

هه‌ر به‌پێی ئه‌و ئامارانه‌ له‌ماوه‌ی ئه‌و هه‌فته‌یه‌دا له‌ هه‌رێمی كوردستان سێ هه‌زار و 918 كه‌س تووشی ڤایرۆسه‌كه‌ بون، كه‌ دوو هه‌زار و 343 كه‌سیان له‌ هه‌ولێر بوه‌ و 837 كه‌س له‌ سلێمانی و 625 كه‌س له‌ دهۆك و 113 له‌ توشبوه‌كان له‌ هه‌ڵه‌بجه‌ بوون.