له دۆڵی مه‌رگ پله‌ی گه‌رمی گه‌یشته 54.4 پله‌ی سه‌دی
هه‌ر ساڵ له وه‌رزی هاوین به‌رزترین پله‌كانی گه‌رما تۆمار ده‌كرێن بۆ ئه‌مسالیش ئه‌مریكا یه‌كه‌م وڵات بوو كه به‌رزترین پله‌كانی گه‌رمای تێدا تۆماركراوه.
ناوه‌ندی كه‌شناسی نیشتمانی و بوومه‌له‌رزه‌زانی ئه‌مریكا رایگه‌یاندووه له بیابانی كالیفۆرنیای باشور له ئه‌مریكا به‌رزترین پله‌ی گه‌رمای 100 ساڵی رابردوو تۆمار كرا.
به پێی راگه‌یێندراوێك رۆژی یه‌كشه‌ممه كاتژمێر 3 و 41 خوله‌كی پاشنیوه‌ڕۆ له دۆڵی مه‌رگ له بیابانی كالیفۆرنیای باشور پله‌ی 54.4 پله‌ی سه‌دی تۆمار كراوه. كه ئه‌مه‌ش به‌رزترین پله‌ی تۆمار كراوه له ساڵی 1913ه‌وه.
له 10 ی ته‌موزی 1913 له دۆڵی مه‌رگی ئه‌مریكا پله‌ی گه‌رما گه‌یشتبوه 56.7 پله‌ی سه‌دی ئه‌وه‌ش به‌رزترین پله‌ی گه‌رمایه كه تا ئێستا له‌سه‌ر زه‌وی تۆمار كراوه.
