بارەگای بارزانی سێ برووسکەی هاوخەمی ئاراستەی بنەماڵەکانی لیوا بەهرام عەریف ، مامۆستا عه‌بدولره‌حمان مه‌لا ره‌سوڵ و مامۆستا محەمەد تەیب دەكات
لە هەرسێک بروسکەی هاوخەمی بارەگای بارزانی ، وێڕای دەبڕینی هاوخەمی و هاوسۆزی بۆ خانەوادەی خوا لێخۆشبووان ، لە خودای مەزن دادەکەن رۆحی ئازیزانیان بە بەهەشتی بەرین شاد بکات
ــــــــــــــــــــــــــــــــــــــ
باره‌گای بارزانی سه‌ره‌خۆشی له لیوا به‌هرام عه‌ریف یاسین ده‌کات
به‌ناوی خودای به‌خشنده و میهره‌بان
به‌ڕێز، لیوا به‌هرام عه‌ریف یاسین
به‌داخێکی زۆره‌وه هه‌واڵی کۆچی دوایی برای به‌ڕێزتان موقه‌ده‌م(ئه‌کره‌م عه‌ریف یاسین)مان پێگه‌یشت.
سه‌ره‌خۆشی له خانه‌واده به‌ڕێز و نیشتیمانپه‌روه‌ره‌که‌تان ده‌که‌ین، خۆمان به‌هاوبه‌شی خه‌می ئێوه و خزم و دۆست و ئاشنایانتان ده‌زانین.
له خودای گه‌وره داواکارین گیانی موقه‌دم ئه‌کره‌م برای خوالێخۆشبووتان به‌ر ره‌حمه‌تی خۆی بخات و به به‌هه‌شتی خۆی شاد بکات و ئۆقره‌یی و دڵنه‌وایی به‌هه‌موو لایه‌ک ببه‌خشێت.
انا للە وانا الیە راجعون
بارەگای بارزانی
۲۱ـی ٨ـی ۲۰۲۰
………………………….
باره‌گای بارزانی سه‌ره‌خۆشی له مامۆستا عه‌بدولره‌حمان مه‌لا ره‌سوڵ ده‌کات
به‌ناوی خودای به‌خشنده و میهره‌بان
به‌ڕێز، مامۆستا عه‌بدولڕه‌حمان مه‌لا ره‌سوڵ
به‌دڵگرانیه‌کی زۆره‌وه هه‌واڵی کۆچی دوایی دایکی به‌ڕێزتان خاتوو(ئامینه ره‌سوڵ)مان پێگه‌یشت.
سه‌ره‌خۆشی له خانه‌واده به‌ڕێز و نیشتیمانپه‌روه‌ره‌که‌تان ده‌که‌ین، خۆمان به‌هاوبه‌شی خه‌می ئێوه و خزم و دۆست و ئاشنایانتان ده‌زانین.
له خودای دلۆڤان داواکارین دایکی خوالێخۆشبووتان به‌ر ره‌حمه‌تی خۆی بخات و به به‌هه‌شتی به‌رینی شاد بکات و دڵنه‌وایی و ئارامیش به ئێوه و خزمانتان ببه‌خشێت.
انا للە وانا الیە راجعون
بارەگای بارزانی
۲۱ـی ٨ـی ۲۰۲۰
………………………….
بارەگای بارزانی سەرەخۆشی لە خانەوادەی مامۆستا محەمەد تەیب دەكات
بەناوی خودای بەخشندە و میهرەبان
بەڕێزان لە خانەوادەی خوالێخۆشبوو مامۆستا محەمەد تەیب
بەداخەوە هەواڵی كۆچی دوایی پێشمەرگەی دڵسۆز و نیشتیمانپەروەر (مامۆستا محەمەد تەیب)ـمان پێ گەییشت.
پرسە و سەرەخۆشیی ئاراستەی خانەوادە تێكۆشه‌ره‌كه‌تان و سەرجەم خزم و كەسوكارتان دەكەین و خۆمان بە هاوبەشی خەمتان دەزانین.
لە خودای گەورە داواكارین گیانی پاکی مامۆستا محەمەد تەیب بەر دلۆڤانیی خۆی بخات و بە بەهەشتی شاد بكات، دڵنەوایی و ئارامییش بە هەموو لایەك ببەخشێت.
انا لله وانا الیه راجعون
بارەگای بارزانی
۲۱ـی ٨ـی ۲۰۲۰
