وهزارهتى تهندروستى ژماره و ڕێژهى تووشبوانى كۆرۆنا له ههرێمى كوردستان بڵاو دهكاتهوه
![](https://xwakurk.com/wp-content/uploads/2020/08/بهپهله.jpg)
وەزارەتی تەندروستی هەرێمی کوردستان رایگەیاند، لە ماوەی یەک هەفتەی رابردودا 163 توشبوی کۆرۆنا لە هەرێمی کوردستان گیانیان لەدەستداوە.
وەزارەتی تەندروستی حکومەتی هەرێمی کوردستان بڵاویکردەوە، لەماوەی یەک هەفتەدا 27 هەزار و 348 پشکنینی کۆرۆنا ئەنجامدراون و سێ هەزار و 712 توشبونی کۆرۆنا دەستنیشانکراون، کە دەکات 13.6%.
ئاماژەی بەوەشکرد، هەزار و 699 توشبوو لە هەولێر، 949 توشبوو لە سلێمانی، 923 توشبوو لە دهۆک و 141 توشبووش لە پارێزگای هەڵەبجە دەستنیشانکراون.
وەزارەتی تەندروستی باسی لەوەشکردوە، لەماوەی هەفتەیەکدا 163 کەس بەهۆی کۆرۆناوە گیانیان لەدەستداوە، کە 90 لە هەولێر، 61 لە سلێمانی، 10 لە دهۆک و 2 کەسیش لە هەڵەبجە گیانیان لەدەستداوە.