به هۆی ته‌قینه‌وه‌یه‌ك كاره‌با له ته‌واوی سوریا كوژایه‌وه
دوای ئه‌وه‌ی ئه‌مڕۆ ته‌قینه‌وه‌یه‌ك له وێستگیه‌كی گواستنه‌وه‌ی گازله وڵاتی سوریا روویدا به هۆی ته‌قینه‌وه‌كه كاره‌با له ته‌واوی سوریا كوژایه‌وه.
ئاژانسێ سانای سووریا له زاری عه‌لی غانم وه‌زیری نه‌وت و سه‌رچاوه سرووشتییه‌كانی ئه‌و وڵاته گواستییه‌وه، به‌ره‌به‌یانی ئه‌مرۆ ته‌قینه‌وه‌یه‌ك بۆڕی گازی له نزیك دیمه‌شقی پایته‌خت كردووه‌ته ئامانج و به‌هۆیه‌وه كاره‌بای سه‌رتاسه‌ری وڵات بڕاوه.
غانمی ئاماژه‌ی به‌وه‌ش كردووه، هێرشه‌كه تیرۆریستی بووه و بۆڕی سه‌ره‌كی كردووه‌ته ئامانج كه له نێوان عه‌درا و ئه‌لزه‌مر له نیزیك دیمه‌شق بووه.
هه‌روه‌ها محەمەف خەربوتڵی، وەزیری کارەبای رژێمی سووریا رایگەیاندووە، تیمەکانی فریاگوزاری خەریکی دامرکاندنەوەی ئاگری تەقینەوەکەن. ئاماژه‌ی به‌وه‌ش كردووه، به‌شێك له وێستگه‌كان دووباره ده‌ستیان به‌كار كردووه‌ته‌وه و كاره‌با به شێوه‌یه‌كی كه‌م و له چه‌ند پارێزگایه‌ك دووباره دێته‌وه.
