بڕی ٨٠ ملیۆن دینار خەساری سووتاندنی شارەوانی هەڵەبجە بووە
هەرچەند سووتاندنی دۆسییەکان بە پارە ئەژمار ناکرێت کە چەند ە خەسارێکی گەورەیە ، بەڵام تەنها زیانی سووتانەکە ٨٠ ملیۆن دینار خەمڵیندراوە .
کوێستان ئەکرەم سەرۆکی شارەوانی هەڵەبجە لە لێداوانێکدا بۆ راگەیاندنەکان ئاشکرای دەکات “لیژنەی به‌شی هونه‌ری و سەرجەم ئه‌ندازیاره‌كان به پسپۆڕییە جیاوازەكانمان ڕاسپاردووە و لە دوێنێوە خەریكی خەمڵاندن و نرخاندنی زەرەر و زیانەكانی بینای سەرۆكایەتی شارەوانین،هەرچەند تا ئێستا کۆتایی نەهاتووە ، بەڵام جیا لە سووتانی دۆسیەكان، دەتوانم بڵێم زیانەكان دەگاتە زیاتر لە ٨٠ ملیۆن دینار.
سەرۆکی شارەوانی هەڵەبجە هەروەها ڕایدەگەیەنێت ، بە نووسراوێکی فەرمی سەرۆکی شارەوانی هەڵەبجە سەبارەت بە تۆماركردنی سكاڵا، ئاماژەی بەوەش دا: “لەڕێگەی بەشی یاسامانەوە بە نووسراوێكی فەرمی دادگای لێكۆڵینەوە و داواكاری گشتیمان لێ ئاگادار كردووەتەوە، داواكاری گشتیش هەر لە یەكەم شەوەوە لەسەر خەت بووە لەگەڵمان و سەردانی شارەوانیشیان كردووە و شوێنەكەیان بینیوە و ڕێوشوێنی یاسایی لەلای دادگا و ئاسایشە و خۆیان دەستیان كردووە بە لێكۆڵینەوە و هیوادارم سزای تایبەت بۆ هاندەرانی سووتاندنی شارەوانی هەڵەبجە دیاری بکرێت
