مه‌سرور بارزانی پرسه‌نامه‌یه‌كی سه‌ره‌خۆشی ئاراسته‌ی خانه‌واده‌ی هونەرمەند خدر خۆشناو ده‌كات
مەسرور بارزانی، سەرۆکی حکوومەتی هەرێمی کوردستان، ئەمڕۆ پێنجشەممە بە بۆنەی کۆچی دوایی هونەرمەندی میللیی کورد، خدر خۆشناو پرسەنامەیەکی ئاراستەی بنەماڵە و کەسوکاری کردووە.
دەقی پرسەنامەکە:
پرسەنامەیەک لە سەرۆکی حکوومەتی هەرێمی کوردستان
بە داخێکی زۆرەوە هەواڵی کۆچی دوایی هونەرمەندی میللی (خدر خۆشناو)م بیست. پرسە و سەرەخۆشی لە بنەماڵە بەڕێزەکەی دەکەم. خوای مەزن گیانی بە بەهەشت شاد بکات و ئارامی و دڵنەواییش بە بنەماڵە و کەسوکاری ببەخشێت.
مەسرور بارزانی
سەرۆکی حکومەتی هەرێمی کوردستان
2020/8/27
