عێراق: لە 24کاتژمێردا 72 کەس بە كۆرۆنا گیانیان لەدەستداوە
وەزارەتی تەندروستی عیراق لە ڕاگەیاندراوێکدا ئاماری بیست و چوار کاتژمێری ڕابردووی تایبەت بە کۆرۆنا ئاشكرای دەكات.
لە ڕاگەیاندراوەکەدا هاتووە 3621 حاڵەتی نوێی تووشبوون بە ڤایرۆسی كۆرۆنا تۆماركراوە و 3794 كەسیش چاكبوونەتەوە و 72 حاڵەتی مردنیش تۆمار کراوە .
هاوکات وەزارەتی تەندروستی عیراق لە ڕاگەیاندراوەکەیدا ئاماژەی بەوە دەکات ، لە 24 كاتژمێری ڕابردوودا 22 هەزار و 318 پشكنینی تایبەت بە كۆرۆنا ئەنجام دراوە و دەركەوتووە 3621 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.
زۆرینەی تووشبووەكان لە بەغدا بوون، هەروەها لە سلێمانی 111 و هەولێر 220 و كەركوك 151 و دهۆك 78 حاڵەت تۆماركراوە.
