رێژەی چاکبوونەوەی تووشبووانی کۆرۆنا لە عێراق روو لە هەڵکشانێکی بەرچاوە
وەزارەتی تەندروستی عێراق لە ئاماری ئەمڕۆی خۆیدا کە تایبەتە بە ٢٤ کاتژمێری ڕابردووە ئاشکرای دەکات لەو ماوەدا ٤ هەزار و ١٤٦ کەس چاکبوونەتەوەو هاوکاتیش تووشبوونی ٣ هەزار و ١٣٣ کەس لە دوای پشکنین پشتڕاست کراوەتەوە .
بەپێی راگەیێندراوەکەی تەندروستی عێراق، تۆمارکردنی ئەو ژمارەیە لە تووشبوون لە ئەنجامی پشکنینی ١٩ هەزار و ٦٣٥کەس بووە.
هەر لە ماوەی ئەو ٢٤ کاتژمێرەش ٧٧ کەس بە هۆی پەتاکەوە گیانیان لە دەست داوە
