بریكاری وه‌زاره‌تی خوێندنی باڵا ئه‌مساڵ سیسته‌می خوێندنی ئاوێته په‌یره‌و ده‌كرێت
دوای ئه‌وه‌ی ئه‌مڕۆ وه‌زاره‌تی خوێندنی باڵاو سه‌رۆكی زانكۆ كانی كوردستان كۆبوونه‌وه بۆ بڕیاردان له باره‌ی خوێندن بۆ ساڵی نوێ، بریكاری وەزارەتی خوێندنی باڵا و توێژینەوەی زانستیی هەرێمی کوردستانیش رایگه‌یاندووه سیستمی خوێندنی ئاوێتە پەیڕەو ده‌کرێت و پێشنیازیشکراوە سەرەتای مانگی 10 خوێندنی زانکۆ و پەیمانگەکان دەستپێبکاتەوە.
د. عەبدولفەتاح عەبدولڕەزاق، بریکاری وەزارەتی خوێندنی باڵا و توێژینەوەی زانستیی هەرێمی کوردستان له باره‌ی ده‌ستپێكردنه‌وه‌ی خوێندنی ساڵی نوێ رایگەیاند “پێشنیازکراوە کە کۆتایی مانگی 9 و سەرەتای مانگی 10 دەوامی زانکۆ و پەیمانگەکان بۆ ئەمساڵی خوێندن دەستپێبکاتەوە كه
هه‌روه‌ها بریكاری وه‌زاره‌تی خوێندنی باڵا راشیگه‌یاندووه كه سیستمی خوێندنی تێکەڵاو بەوجۆرەیە کە ئەو کۆلێژ و بەشانەی وانەی پراکتیکییان هەیە دەگەڕێنەوە کامپسی زانکۆ و پەیمانگەکان ئەوانیشی وانەکانیان تیۆرین بەشێوەی ئەلیکترۆنی و ئۆنلاین دەبێت.
