به فه‌رمانی سه‌رۆكی ئه‌نجومه‌نی وه‌زیران لێژنه‌یه‌ك بۆ به‌دواداچوون بۆ ده‌نگۆی پێدانی نه‌خۆشخانه‌یه‌كی حكومه‌تی به كه‌رتی تایبه‌ت پێكهێندرا
دوای ئه‌وه‌ی له چه‌ند میدیایه‌ك ده‌نگۆی ئه‌وه بڵاوكرایه‌وه كه نەخۆشخانەیەکی حکومی کە تێچوەکەی 40 ملیۆن دۆلارە بە کەرتی تایبەت دراوه سەرۆکایەتی ئەنجومەنی وەزیرانی هەرێمی کوردستان لیژنەیەکی لێکۆڵینەوەی لەسەر ئەو پرسە پێکهێناوە و پەرلەمانتارێکیش دەڵێت هەمو بەڵگەکان دەخەنە بەردەست لیژنەکە.
به پێی نوسراوێك كه ده‌ستی ده‌زگای میدیای خواكوڕك كه‌وتووه سەرۆکایەتی ئەنجومەنی وەزیرانی هەرێم بڕیاریداوه بە پێکهێنانی لیژنەیەکی لێکۆڵینەوە بۆ بەدواداچون لەسەر ئەو نەخۆشخانەیە و نوێنەری سەرۆکایەتی حکومەت، وەزارەتی تەندروستی و دەستەی وەبەرهێنان ئەندامن دەبن لە لیژنەکەدا.
