ئەنکەرە.. كۆبوونه‌وه‌ی نێوان نێچیرڤان بارزانی و مه‌ولود چاوش ئۆغڵو ده‌ستیپێكرد
كۆبوونه‌وه‌كانی نێچیرڤان بارزانی، سه‌رۆكی هه‌رێمی كوردستان له توركیا ده‌ستیپێكرد و یه‌كه‌م كۆبوونه‌وه‌شی له ئه‌نقه‌ره له‌گه‌ڵ مه‌ولود چاوش ئۆغڵو، وه‌زیری ده‌ره‌وه‌ی توركیایه.
ئاژانسی ئەنادۆڵی توركی بڵاویكرده‌وه: نێچیرڤان بارزانی، سەرۆكی هەرێمی كوردستان ئەمڕۆ دەگاتە توركیا و كاتژمێر 9:30 و بۆ نانی بەیانی لەگەڵ مەولود چاوشئۆغڵو، وەزیری دەرەوەی توركیا دەبێت.
بەگوێرەی هەواڵی ئەو ئاژانسەی توركیا، سه‌رۆكی هه‌رێم هەر ئەمڕۆ لە كاتژمێر دوو لەگەڵ رەجەب تەیب ئەردۆغان كۆدەبێتەوە و گفتوگۆ لە بارەی رەوشی ناوچەكە و پەیوەندیەكانی نێوانیان دەكەن.
لە سەردانەكەیدا نێچیرڤان بارزانی هەریەكە لە فەوزی هەریری سەرۆكی دیوانی سەركایەتی هەرێمی كوردستان و سەفین دزەیی بەرپرسی فەرمانگەی پەیوەندییەكانی دەرەوەی هەرێمی كوردستان، كەریم شنگالی بەڕێوەبەری ئۆفیسی سەرۆكی هەرێم و فەلاح مستەفا راوێژكاری باڵای سەرۆكی هەرێمی لەگەڵدایە.
ئەوەش دوای كۆبونەوەی رۆژی چوار شەممەی نێچیرڤان بارزانی، سه‌رۆكی هه‌رێمی كوردستان دێت لەگەڵ ئیمانوێل ماكرۆن، سەرۆك كۆماری فەرەنسا لە شاری بەغدا.
