هەولێر : 25 کیلۆگرام ماددەی هۆشبەر دەستی بەسەردا گیرا
بەرێوەبەرایەتی گشتی نەهێشتنی ماددەهۆشبەرەکان لە ڕاگەیاندراوێکدا ئاشکرای دەکات دوو کەسیان بە 25 کیلۆگرام ماددەی هۆشبەرەوە لە جۆری ( تلیاک ) دەستگیر کردووە .
لە ڕاگەیاندراوەکەدا هاتووە بە هاوئاهەنگی بنکەی نەهێشتنی ماددە هۆشبەرەکانی دەروازەی نێودەوڵەتی حاجی ئۆمەران، ئەمڕۆ شەممە 2020/09/05 لە شاری هەولێر دوو کەس دەستگیرکراون و لە کاتی دەستگیرکردنیان بڕی 25 کیلۆ تلیاکیان پێبووە
هاوکات لە ڕاگەیاندراوەکەدا هاتووە . تۆمەتبارەکان ناویان “ع. ج. م.” و “ع. ع. ع.”ـە و خەڵکی ناوچەی شارباژێڕی سنووری پارێزگای سلێمانین و لە سلێمانییەوە ئەو تلیاکەیان گەیاندۆتە هەولێر .
لە ئێستادا هەردووک تاوانبار بە پێی ماددەی 14 یاسای ماددە هۆشبەرەکان دەستبەسەرن و لێکۆڵینەوەیان لیدەکرێت .
