شۆفێرانی ئێرانی و رۆژهەڵاتی کوردستان بە ئۆتۆمبێلەکانیانەوە دەتوانن بێنە ناو هەرێمی کوردستان
لە لێدوانێکدا بۆ ڕاگەیاندنەکان سیراون محەممەد سەرۆکی ژووی بازرگانی سلێمانی ڕایدەگەیەنێت لەمەودوا رێگە بە شۆفێرانی ئێرانی دەدرێت بە ئۆتۆمبیلەكانی خۆیان و بە بارەكانیانەوە بێنە هەرێمی كوردستان. ئەمەش دوای ئەوەی بەهۆی بڵاوبوونەوەی ڤایرۆسی كۆرۆناوە ماوەیەک بوو رێگەیان پێنەدەدرا.
ئەم بڕیارە لە ئەمڕۆ یەکشەممەوە کەوتۆتە بواری جێبەجێکردن
لە درێژەی قسەکانیدا سیروان محەممەد ئاماژە بەوە دەکات ئەو بڕیارەی حكومەت بۆ شۆفێرانی ئێرانی، دەبێتە هۆی ئەوەی ئیدی باری ئێرانی بە زۆری لە كوردستانەوە بێتە ژوورەوە، نەك وەك پێشتر بچێتە دەروازەكانی دیكەی عێراق. “بەوەش جموجۆڵی بازرگانی لە دەروازەكاندا زۆر دەبێتەوە”.
