وه‌زاره‌تی خوێندنی باڵاو توێژینه‌وه‌ی زانستی 21 رێنمایی بۆ ده‌ستپێكردنه‌وه‌ی خوێندن له زانكۆ و په‌یمانگاكان راگه‌یاند
له‌گه‌ڵ نزیك بوونه‌وه‌ی واده‌ی ده‌ست پێكردنی خوێندنی ساڵی نوێ وەزارەتی خوێندنی باڵا و توێژینەوەی زانستی بەمەبەستی سەلامەتی و پاراستنی مامۆستا، فەرمانبەر و قوتابی و خوێندکارانی زانکۆ و پەیمانگەکان، 21 رێنمایی بۆ کاتی دەستپێکردنەوەی ساڵی نوێی خوێندنی 2020-2021 بڵاوکردووەتەوە، لەنێویاندا پۆشینی پەنجەوانە و ماسک بەشێوەی ناچاری.
بەپێی رێنماییەکان، مامۆستایان، فەرمانبەران و قوتابی و خوێندکاران ئەگەر پەنجەوانە و ماسک نەپۆشن لە پرسگە رێگە بە چوونە ژوورەوەیان بۆ نێو زانکۆ و پەیمانگەکان نادرێت. لە یەکێک لە رێنماییەکاندا هاتووە، نابێت فەرمانبەران شوێنی ئیشکردنی خۆیان بەجێبهێڵن و هاتووچۆی ژوورەکانی دیکە بکەن، تەنیا لە حاڵەتی گرنگ و زۆر پێویستدا نەبێت.
لە رێنماییەکانی وەزارەتی خوێندنی باڵادا ئاماژە بەوەش کراوە، کافتریاکان لە زانکۆ و پەیمانگەکان دادەخرێن، ئەگەر کراوەش بن، دەبێت رێگەنەدرێت قوتابی و خوێندکاران تێیدا دابنیشن و تەنیا خواردن و خواردنەوە پێشکەش بکەن لەڕێگەی کەلوپەلی سەفەرییەوە.
دەقی رێنماییەکانی وەزارەتی خوێندنی باڵا و توێژینەوەی زانستی
ـ
