ئاسایشی هەولێر یەک دەفتەر دۆلاری ونبوو دەگەرێننەوە بۆ بنەماڵەیەکی عەرەب
ئەمڕۆ سێشەممە لە کاتێکدا خانەوادەیەکی عەرەبی نیشتەجێی ئەنبار ، بۆ چارەسەری نەخۆشی لە بازگەی شێراوە لە نێوان هەولێر و کەرکوک روو دەکەنە هەولێر ، یەک دەفتەر دۆلاری ئەمریکیان لێ ون دەبێت .
کاتێک بە ون بوونی پارەکەیان دەزانن کە خاوەن ئوتێل لە هەولێر داوای پارەتیان لێدەکات ، بەڵام لە پاش پشکنینی ناو ئۆتۆمبێلەکەشیان ، بۆیان روون دەبێتەوە پارەکەیان لێ ون بووە .
بە پێی ڕێنمایی خاوەن ئۆتێل کابرای عەرەب پێوەندی بە ئاسایشەوە دەکات و ئاسایشی هەولێریش بازگەی شێراوە ئاگادار دەکاتەوە .
لە ئەنجامی گەڕانێکی زۆر ، بازگەی شێراوە پارەی کابرای عەرەب دەدۆزنەوەو ڕادەستی خاوەنەکەی دەکەنەوە
لەو کاتەدا خانەوادەی عەرەبەکە ویڕای سوپاسی ئاسایشی هەولێر ، سپاسی پاکی و سەداقەتی کورد دەکەن
